阿媽的新派番茄煮蛋

今晚回娘家吃飯，阿媽很好，弄了四餸一湯：番茄紅蘿蔔豬展湯、節瓜蝦米粉絲、紫薑蒸魚雲、鹹魚蒸魚仔乾，還有番茄煮蛋。

咦，咪住，眼前的番茄煮蛋跟我由細吃到大的賣相不同，以前阿媽會將圓圓的番茄切成一「楷楷」，但這一回卻切成細細粒，很破格，明顯看得出她花上心思和時間。

我不禁問阿媽：「今次D番茄煮蛋咁新奇既？」

「係呀，我睇十點半嗰齣學。」

「乜十點半有教人煮餸架咩？」平時十點半不是我的電視時間，即使有機會扭開電視，首選多是有線新聞台。

「係呀，做完九點半嗰齣就做。」

「邊個教呀咁？」

「咁問我，我又"口翕"唔出喎。」

阿媽雖記不起主持人是誰，但好記得所教的煮法，番茄煮蛋就是一例，每個步驟記得清清楚楚，番茄要先拖一拖熱水，去皮後才切粒；蛋黃和蛋白要分開打發，然後才混合打勻；落鑊時，蛋汁要略炒，避免炒得太老。

我媽照足去做，效果亦不錯，鹹甜得宜，又保留了雞蛋的滑和番茄的鮮。邊吃，阿媽還拿主持人和都巿閒情的Annie比較，話前者教的簡單易學，材料又平，好似教人整苦瓜就非常多變，蝦醬煮苦瓜、番茄煮苦瓜，口味啱她老人家，反而睇了Annie多年，就彈她步驟多，難記咁話。

吃著吃著，電視播出百佳的廣告片，蘇絲黃一出場，我媽立時拿著筷子指住電視機說：「真係佢喇。」

哦～原來教我媽破格整番茄煮蛋的人，就是剛離開商台、轉投無記的阿蘇。

復出

各位朋友，我復出喇！

我的Blog停產三個月多，人和文字一下子都像消失了，難怪換來好些「成日無更新」的投訴。

I’m sorry。皆因之前遇上技術上的問題（幸得電腦專家Henry幫我解難），以及返新工後少了私人時間，大大影響了我blog的update頻率。

在這方面，我會努力改進，因我知道，在這裏有關心我動向的你。